काठमाडौँ । कोरोना भाइरस (कोभिड–१९) संक्रमण जोखिम बढेको भन्दै जिल्ला प्रशासन कार्यालय लमजुङले सतर्कता अपनाउन अनुरोध गरेको छ । 

नेपालमा संक्रमण कम हुँदै गए पनि विश्वव्यापी तथा छिमेकी राष्ट्रलगायतका केही देशमा संक्रमणको नयाँ स्वरूप देखा परेकाले सतर्क रहन भनिएको हो ।

नेपालमा पनि जोखिम बढ्न सक्ने भन्दै समयमै सजग हुन आवश्यक रहेको कार्यालयले जनाएको छ । सहायक प्रमुख जिल्ला अधिकारी भूमीश्वर पोखरेलले सूचना सार्वजनिक गर्दै नागरिकमा सतर्क रहन भनिएको छ ।

बढी भिडभाड हुने स्थान तथा सार्वजनिक यातायातको साधनमा मास्क तथा स्यानिटाइजरको प्रयोग गर्न प्रशासनले आग्रह गरेको छ ।

एक अर्कामा भौतिक दुरी कायम राख्न, व्यक्तिगत सरसफाईलगायतको आवश्यक स्वास्थ्य प्रोटोकलको पूर्ण पालनाका लागि नागरिकलाई सचेत गराएको छ ।