काठमाडौँ । अधिवक्ता सरोजकृष्ण घिमिरेले नेपाल क्रिकेट संघ (क्यान)ले क्रिकेटको विकासका लागि सन्दीप लामिछानेलाई पुनः क्रिकेट टिमको कप्तानी दिनुको विकल्प नरहेको बताएका छन् ।

शुक्रबार सुन्धारास्थित केन्द्रीय कारागारमा क्रिकेटर लामिछानेलाई भेटसँगै सञ्चारकर्मीहरूसँग कुरा गर्दै उनले यस्तो बताउका हुन् । उनले लामिछाने क्रिकेट खेल्न नपाएसँगै नेपाली क्रिकेटको स्तर खस्किरहेको अवस्थालाई मध्यनजर गरेर पुनः कप्तानीको रुमपा क्यानले जिम्मेवारी दिनु पर्ने बताए ।

उनले लामिछाने मुद्दाका कारण क्यानको निलम्वनमा परेको तर क्यानको कारबाहीमा नपरिसकेकाले पुनः कप्तानी दिनु पर्ने माग गरे । ‘सम्माननीय उच्च अदालतले सन्दीपलाई २० लाख धरौटीमो छोड्ने आदेश दिएको छ, ऊ निलम्बनमा परेको हो, कारबाहीमा होइन, ऊ जेलबाट छुटिसकेपछि पुनः क्यानले कप्तानी दिनुपर्छ, क्रिकेटको अवस्था कसरी गइरहेको छ, त्यो हेर्दा नै थाहा भइहाल्छ, क्रिकेटलाई जोगाउनु छ भने क्यानले गम्भीर बनेर नेपालको क्याप्टेन बनाउनुपर्छ,’ उनले भने ।