काठमाडौं । नवनियुक्त स्वास्थ्य तथा जनसंख्यामन्त्री पदम गिरीले पदभार ग्रहण गरेका छन् ।

मंगलबार राष्ट्रपति कार्यालयमा पद तथा गोपनियताको सपथग्रहण गरे लगत्तै स्वास्थ्य तथा जनसंख्या मन्त्रालयमा पुगेर उनले पदभार ग्रहण गरेका हुन् ।

सोमबार राती टुंगिएको दलिय भागवण्डामा स्वास्थ्य नेकपा एमालेलाई परेको थियो । सोही अनुसार एमालेले गिरीलाई स्वास्थ्यमन्त्री बनाएर पठाएको हो । गिरी गत मंसिर ४ गतेको प्रतिनिधि सभा निर्वाचनमा पर्वतबाट सांसद पदमा निर्वाचित भएका थिए ।

यसै गरी स्वास्थ्य राज्यमन्त्री बनेकी डा. तोषिमा कार्कीले पनि पद तथा गोपनीयताको शपथ लिए संगै स्वास्थ्य तथा जनसंख्या मन्त्रालय पुगेर पदभार ग्रहण गरेकी छन् ।

डा कार्की ललितपुर ३ बाट प्रतिनिधि सभामा सदस्यमा निर्वाचित भएकी हुन् । उनी राष्ट्रिय स्वतन्त्र पार्टीबाट प्रतिनिधित्व गर्दै स्वास्थ्य राज्यमन्त्री भएकी हुन् ।