नायिका ऐश्वर्या राय बच्चनलाई नासिकको सिन्नर राजश्व विभागले नोटिस पठाएको छ। जग्गाको कर नबुझाएको भन्दै ऐश्वर्यालाई राजश्व विभागले नोटिस पठाएको हो । नायिकाको नासिकको सिन्नरको अडवाडी शिवरतमा जग्गा रहेको छ । यो जग्गाको एक वर्षको कर २१ हजार ९६० रुपैयाँ बाँकी छ ।

सिन्नारको थानगाउँ नजिकै अडवाडीको पहाडी क्षेत्रमा ऐश्वर्याको करिब १ हेक्टर जमिन रहेको बताइएको छ । यस जग्गामा ऐश्वर्याले एक वर्षको कर तिर्नुपर्ने जानकारी आएको छ । ऐश्वर्यासँगै अन्य १२ सय सम्पत्ति मालिकलाई पनि कर बक्यौताको लागि नोटिस जारी गरिएको छ । 

नोटिसमा ऐश्वर्यालाई मार्चको अन्तिमसम्म कर तिर्न निर्देशन दिएको छ । तर, यस विषयमा ऐश्वर्या रायले अहिलेसम्म कुनै प्रतिक्रिया दिएकी छैनन् ।