काठमाडौँ । नेपाली बजारमा स्थापित डिजिटल होम इन्टरनेशलको ब्राण्ड डीएचआइले ताइवानको प्रसिद्ध प्राविधिक कम्पनी, स्याण्डमार्टिन इन्टरनेशनल होल्डिङ लिमिटेडलाई आफ्नो प्राविधिक साझेदार
बनाएको छ ।

यस साझेदारीले डिएचआइका होम एप्लायन्स तथा होम इलेक्ट्रोनिक्सको उत्पादनहरूको गुणस्तर, डिजाइन र सेवामा वृद्धि गर्दै नयाँ विद्युतीय उपकरणहरू बजारमा ल्याउने डिएचआईका प्रमुख केशवकान्त पौडेलले बताए ।

सेट अप बक्सहरूको निर्माण र वितरणमा सफलता हात पारिसकेको डिएचआइको अबको लक्ष्य देशभरका ग्राहकहरूलाई आफ्ना होम एप्लायन्स र इलेक्ट्रोनिक उत्पादनमार्फत उच्च स्तरीय सेवा र सुखद् अनुभव प्रदान गर्ने रहेको बताइएको छ ।

साथै, दुई पक्षबीचको सहकार्यले स्थानीय बजार र नेपाली इलेक्ट्रोनिक्स क्षेत्रको विकास र बजारको माग पूर्ति गर्न सहयोग पुग्ने कम्पनीको विश्वास छ ।