काठमाडौँ । नयाँ बानेश्वरस्थित संसद् भवन अगाडि मंगलबार आफैंलाई जलाएका कारण मृत्यु भएका इलामका प्रेमप्रसाद आचार्यका परिवारलाई उपप्रधानमन्त्री तथा गृहमनत्री रवि लामिछानेले भेटेका छन् ।

बुधबार उनले कृर्तिपुरस्थित बर्न अस्पतालमा पुगेर लामिछानेले आचार्यको परिवारलाई भेटेका हुन् ।

गृहमन्त्री लामिछानेसँगको भेटमा आचार्यकी श्रीमती नुनुका अधिकारीले ६० लाख ऋण तिर्न नसकेका कारण श्रीमानले आत्मदाहको बाटो रोज्न बाध्य भएको बताएकी छिन् ।

उनले आफूलाई रोजगारीको व्यवस्था गर्न र दुई छोरीलाई निःशुल्क शिक्षाको व्यवस्था गरिदिन माग गरेकी थिइन् ।

गृहमन्त्री लामिछानेले पहल गर्ने बताएका थिए ।