काठमाडौं । नावालिका बलत्कारको अभियोग लागेका नेपाली राष्टिय क्रिक्रेट टोलीका पूर्व कप्तान सन्दिप लामिछानेलाई धरौटीमा छाड्ने आदेशविरुद्ध सर्वाेच्च अदालतमा परेको पुनरावेदनको पेशी भोलि नै हुने भएको छ । भोलि शुक्रबार नै पेशी तोकिएको छ ।

उच्च अदालत पाटनले लामिछानेलाई धरौटीमा रिहा गर्ने आदेश दिएको थियो । उच्च अदालतको आदेशमा चित्त नवुझाएको महान्यायधिवक्ता कार्यालय बुधबार सर्वाेच्च गएको थियो । सर्वाेच्चले त्यसपछि शुक्रवारका लागि पेशी तोकेको हो ।

उच्च अदालत पाटनले २० लाख रुपैयाँ धरौटीमा छाड्ने आदेश गरेको थियो ।

अदालतले धरौटीमा छाडेपछि नेपाल क्रिकेट संघले सन्दीपमाथि लगाएको निलम्बन फुकुवा गरेको थियो । निलम्बन फुकुवा भएसँगै सन्दीपलाई बिहीबार राष्ट्रिय टोलीको बन्द प्रशिक्षणका लागि बोलाइएको छ । नेपाल क्रिकेट संघ क्यानले बन्द प्रशिक्षणका लागि बलात्कारको आरोप लागेका क्रिकेटर सन्दीप लामिछानेसहितको टिम घोषणा गरेको छ ।

यसअघिको २८ सदस्यीय टोलीबाट १० जना कटौती गर्दै सन्दीप लामिछाने र प्रतिश जिसीलाई थपेर २० सदस्यीय टिम घोषणा गरेको थियो ।