टर्की र सिरियामा गएको भीषण भूकम्पबाट सबैभन्दा बढी प्रभावित टर्कीको मारासमा राहत अभियानका क्रममा एक चमत्कार भएको छ । राहत अभियानका क्रममा पाँच दिनसम्म गाडिएका तीन बालबालिकामध्ये दुइलाई भग्नावशेषमा परिणत भएको बहु तले भवनबाट जिउँदै निकालिएको छ ।

टर्की र सिरियामा गएको भूकम्पपछि मृत्यु हुनेको संख्या दिनप्रतिदिन बढिरहेको छ । दुवै देशमा मिलेर २४ हजारभन्दा बढीले ज्यान गुमाएका छन् ।
अहिले पनि भग्नावशेष हटाउने काम जारी छ । मृत्यु हुनेको संख्या अझै बढ्ने अनुामन गरिएकाे छ ।

हाल भूकम्प प्रभावित क्षेत्रमा हजारौं मानिस अस्पतालमा भर्ना छन् । अझै धेरै मानिसहरु भग्नावशेषमुनि पुरिएको आशंका गरिएको छ ।