भूकम्पले खतरनाक विनाश निम्त्याएको टर्की र सिरियामा मृत्यु हुनेको संख्या लगातार बढिरहेको छ । हालसम्म २९ हजारभन्दा बढीको मृत्यु भइसकेको छ । घाइतेको संख्या ७८ हजार नाघेको छ ।

यसैबीच टर्कीका ८ प्रान्तबाट लुटपाट गरेको आरोपमा ४८ जना पक्राउ परेका छन् । जसमध्ये ४२ जना हाते प्रान्तका छन् । यसैबीच टर्कीमा ६२ जना निर्माण ठेकेदारलाई पनि पक्राउ गरिएको छ । अडाना सहरमा भूकम्पका कारण भत्किएका भवनहरूलाई ध्यानमा राखेर कारबाही गर्न निर्देशन दिइएको छ ।

अर्कोतर्फ, संयुक्त राष्ट्र संघको सहायता पठाउने इकाईका प्रमुख मार्टिन ग्रिफिथ्सले भूकम्पबाट मृत्यु हुनेको संख्या दोब्बर हुनसक्ने बताए । भग्नावशेष सफा गरेपछि शव निकालिनेछ।

एकै समयमा, सिरियामा समयमै सहयोग पुग्न सकेको छैन। यसको कारण भूकम्पपछि सडकमा थुप्रिएको फोहोर हो । हरेम सहरमा एक बुबाले आफ्नी छोरी भग्नावशेषमुनि गाडिसकेको तर कसैले सहयोग नगरेको बताए ।

उनले भने- ‘भूकम्प गएको एक दिनपछि पनि मेरी छोरी जीवित थिइन् । भग्नावशेषमा पुरिएको २४ घण्टा बितिसक्दा पनि सहयोग पुग्न सकेको छैन । हामीसँग भग्नावशेष हटाउने मेसिन थिएन। हामी मद्दतको लागि पर्खिरहेका थियौं। धेरै समय बितिसक्यो । मैले आफ्नै हातले उसको शव निकालेँ ।’