काठमाडौं । नेपाल–भारत सचिवस्तरीय संयन्त्रको बैठकमा भाग लिन सोमबार नेपाल आइपुगेका भारतीय विदेशसचिव विनयमोहन क्वात्राले मंगलबार पनि राजनीतिक भेटवार्तालाई निरन्तरता दिँदैछन् ।

सोमबार सरकारी उच्च पदस्थ अधिकारी र केही राजनीतिक दलका अध्यक्षलाई भेटेका विदेश सचिव क्वात्राले मंगलबार पनि राजनीतिक दलका नेतृत्वलाई भेट्ने नेपालस्थित भारतीय दूतावासले जनाएको छ ।

उनले आज आज नेकपा एकीकृत समाजवादीका अध्यक्ष माधवकुमार नेपाल, लोकतान्त्रिक समाजवादी पार्टीका अध्यक्ष महन्थ ठाकुर, जनमत पार्टीका अध्यक्ष चन्द्रकान्त (सिके) राउतलगायतलाई भेटने कार्यक्रम तय भएको दूतावासले जनाएको छ ।

सोमबार सचिवस्तरीय बैठकमा सहभागी भएपछि समकक्षी परराष्ट्रमन्त्री विमला राई पौडेल, राष्ट्रपति विद्यादेवी भण्डारी, कांग्रेस सभापति शेरबहादुर देउवा र प्रधानमन्त्री पुष्पकमल दाहाल ‘प्रचण्ड’सँग भेटवार्ता गरेका थिए ।