आयकर विभाग (आईटी) टोली बीबीसीको दिल्ली र मुम्बईको कार्यालयमा पुगेको बताइएकाे छ। जानकारीका अनुसार छापामारीमा ६० देखि ७० जना आईटीको टोली संलग्न रहेको छ ।

आयकर टोलीले कारबाहीका क्रममा कर्मचारीको फोन स्वीच अफ गर्न लगाएकाे स्रोतले जनाएको छ । यससँगै उनीहरुलाई कार्यलय भित्र आउन रोक लगाइएको छ ।

आयकर विभागकाे स्रोतका अनुसार बीबीसीलाई अन्तर्राष्ट्रिय करमा अनियमितता गरेको आरोप लागेको छ । यसबारेमा सर्वेक्षण भइरहेको स्रोतले जनाएकाे छ ।

यद्यपि यस छापा मार्ने सम्बन्धमा आयकर विभाग वा बीबीसीले कुनै आधिकारिक जानकारी दिएको छैन। कांग्रेसले ट्वीट गर्दै जानकारी दिएकाे छ।

,