काठमाडौँ । नेपाली कांग्रेसका तर्फबाट गुल्मी क्षेत्र नं १ बाट निर्वाचित नेपाली कांग्रेसका सांसद डा.चन्द्रकान्त भण्डारीको निवासमा ग्यास सिलिण्डर विष्फोट भएको छ ।

विष्फोटबाट भण्डारी र उनकी आमा जलेर घाइते भएका नेपाली कांग्रेसकी केन्द्रीय सदस्य डा. डिला संग्रौला पन्तले जानकारी दिइन् ।

सांसद् भण्डारी र उनकी आमाको अहिले कीर्तिपुरस्थित वर्न अस्पतालमा उपाचार भइरहेको छ । डाक्टरहरूका अनुसार डा. भण्डारीको २५ प्रतिशत शरिर र उनकी आमाको ७० प्रतिशत हाराहारी शरिर जलेको छ ।

सिलिण्डर राति १० बजेतिर विष्फोट भएको उनको सचिवालयले जनाएको छ । भण्डारीको स्वास्थ्य अवस्था बुझ्न नेपाली कांग्रेसका महामन्त्री विश्वप्रकाश शर्मा अस्पताल पुगेर फर्किएका छन् ।