काठमाडौँ । कान्ति लोकपथ २३ दिन पूर्णरूपमा बन्द हुने भएको छ । हेटौँडा–काठमाडौं जोड्ने छोटो दुरीको लोकपथ कालोपत्रेका लागि २३ दिन पूर्णरूपमा बन्द गरिएको हो ।

जिल्ला प्रशासन कार्यालय मकवानपुरका अनुसार कान्ति लोकपथ मर्मत सम्भारका लागि आजदेखि चैत १० गतेसम्म दुईतर्फी आवागमन बन्द गरिएको छ ।

मकवानपुरको ठिङ्गन नजिकबाट ललितपुरतर्फको सडक मर्मत तथा कालोपत्रेका लागि कान्ति लोकपथ बन्द गरिएको मकवानपुर प्रशासन कार्यालयले जनाएको छ ।

कान्ति लोकपथ बन्द गरिएसँगै हेटौँडा–काठमाडौं चल्ने सुमो लगायतका साना सवारी साधनका लागि सिस्नेरी र चित्लाङ सडकमा एकतर्फी सवारी सञ्चालनको व्यवस्था मिलाइएको प्रशासनले जनाएको छ ।

प्रशासनले हेटौँडाबाट काठमाडौं जानका लागि हेटौँडा–भीम फेदी–कुलेखानी–सिस्नेरी–दक्षिणकाली रुट र काठमाडौंबाट हेटौँडा आउनका लागि थानकोट–चित्लाङ–मार्खु ९कुलेखानी०–भीम फेदी रुट प्रयोग गर्न सकिने जनाएको छ ।