काठमाडौँ । प्रधानमन्त्री पुष्पकमल दाहालले नेपाल आयुर्वेदका लागि उचित गन्तव्यस्थल भएको बताएका छन् ।

शुक्रबारबाट काठमाडौंमा सुरु भएको सातौं अन्तर्राष्ट्रिय आयुर्वेद महासभालाई सम्बोधन गर्दै प्रधानमन्त्री दाहालले आयुर्वेदलाई प्राथमिकतामा राखेर अघि बढ्न नेपाल सरकार प्रतिवद्ध रहेको बताए ।

‘आयुर्वेदलाई प्राथमिकताका साथ राखी अघि बढ्न नेपाल सरकार प्रतिबद्ध छ । नेपाल आयुर्वेद क्षेत्रको प्राकृतिक भूमि हो । नेपालमा विभिन्न प्रकारका प्राकृतिक औषधिहरु पाइन्छन्, यार्सागुम्बा, अमला, लगायतका विभिन्न अमूल्य जडिबुटीहरु पनि यहाँ पाइन्छ,’ प्रधानमन्त्रीले भने ।

उनले सिंहदरबारस्थित वैद्यखानाबाट आयुर्वेदलाई मुख्य प्राथमिकतामा राखेर काम गरिरहेको बताए । आयुर्वेद अस्पतालका लागि औषधिहरुको मुख्य थलोको रुपमा नेपाललाई भारतले राखेको भन्दै प्रधानमन्त्री दाहालले यसलाई अझै प्रचारप्रसार गर्न आवश्यक रहेको बताए ।

पछिल्लो समय जलवायु परिवर्तनका कारण प्राकृतिक रुपमै आयुर्वेदका लागि उपयुक्त गन्तव्यस्थल नेपालमा विभिन्नखाले समस्याहरु परिरहेको प्रधानमन्त्री दाहालले बताए ।