आइतबार, मंसिर १४, २०८२

मेस्सीलाई बन्दुकधारीकाे धम्की, ससुरालीको सुपरमार्केटमा गोली प्रहार

मेरोन्यूज २०७९ फागुन १९ गते १७:०३

अर्जेन्टिना फुटबलका सुपरस्टार लियोनल मेस्सीलाई धम्की दिँदै बन्दुकधारीले उनको ससुरालीको स्वामित्वमा रहेको सुपरमार्केटमा गोली चलाएका छन् ।

विदेशी सञ्चार माध्यमका अनुसार मेस्सीको ससुरालीको सुपरमार्केटमा अन्दाधुन्द गोली चलाएपछि उनलाई धम्की दिँदै बन्दुकधारीले लिखित सन्देश छोडेका छन् ।

प्रहरीका अनुसार मोटरसाइकलमा आएका दुई व्यक्तिले सुपरमार्केटमा बिहानै कम्तिमा एक दर्जन गोली प्रहार गरे र कार्बोर्डमा एक सन्देश लेखेर टाँसेका छन् । उक्त सन्देशमा भनिएकाे छ, ‘मेस्सी, हामी तिमिलाई पर्खिरहेका छौं। जाभकिन पनि लागूऔषध तस्कर हो, उसले तिम्रो मतलब गर्दैन।’

मेस्सीले भने यसबारे अहिले सम्म केहि भनेका छैनन् ।

रोजारियो सहरका मेयर पाब्लो जाभकिन उक्त सुपरमार्केटमा गएर पनि लागुऔषध सम्बन्धी हिंसामा भएको बृद्धिलाई रोक्न असफल भएको भन्दै संघीय अधिकारीहरूको आलोचना गरेका छन्।

एजेन्सी

प्रतिक्रिया