काठमडाौँ । ओपनिङ ब्याटर आसिफ सेखको धैयर्तासँगै आइसीसी विश्वकप लिग २ अन्तर्गतको खेलमा नेपाल तीन विकेटले विजयी भएको छ ।

शुक्रबार दुबई अन्तर्राष्ट्रिय क्रिकेट मैदानमा पपुवा न्युगिनी (पीएनजी)ले दिएको १८० रनको लक्ष्य नेपालले ४८ ओभरमा ७ विकेट गुमाएर पूरा गरेको हो ।

पीएनजीविरुद्धको खेलमा टिम संकटपूर्ण अवस्था रहँदा आसिफले ८६ रन बनाएका हुन् । सन्दीप लामिछानेले ३५ रन बनाए ।

आसिफले १३० बलमा दुई चौका र एक छक्का बनाए । यसैगरी ५० बल खेलेका सन्दीपले तीन चौकासहित ३५ रन बनाएका हुन् ।

यसअघि टस जितेर पहिले ब्याटिङ गरेको पपुवा न्यु गिनी ४९.२ ओभरमा १ सय ७९ रनमा अलआउट भएको थियो ।