काठमाडौँ । पछिल्लो २४ घण्टामा देशभर सात जनाको शव फेला परेको छ । प्रहरीका अनुसार देशका विभिन्न जिल्लाहरूका सात जनाको शव फेला परेको हो ।

सल्यान शारदा नगरपालिका १ श्रीनगरस्थित सुके खोलाको छेउमा सोही ठाउँ बस्ने ५५ वर्षीय यज्ञ बहादुर राईको शव फेला परेको प्रहरीले जनाएको छ । यस्तै, धनकुटा महालक्ष्मी नगरपालिका ४ जिमीगाउँ बस्ने ३५ वर्षीया चन्द्रमाया मगर शव फेला परेको हो ।

संखुवासभा खाँदबारी नगरपालिका ९ तुम्लिङटार डेरा गरी बस्ने भोजपुर षडानन्द नगरपालिका १० घर भएकी ३७ वर्षीया सम्झना राईको शव फेला परेको छ । सोही जिल्लाको पाँचखपन नगरपालिका २ रिठ्ठे याङ्मा दोभान बस्ने ६६ वर्षीय वीर बहादुर भन्ने मणि कुमार राई सोही ठाउँस्थित बगरमा शनिबार मृत अवस्थामा फेला परेका छन् ।

सर्लाहीको हरिवन नगरपालिका १० धरहरा बजारमा हाल नाम, थर, वतन नखुलेका अन्दाजी ६५ वर्षीय पुरुष गएराति मृत अवस्थामा फेला परेका छन् भने काठमाडौँ महानगर ८ पशुपतिस्थित दक्षिणा मूर्ती नजिकै हाल नाम, थर, वतन नखुलेका अन्दाजी ४० वर्षीय पुरुष शनिबार मृत अवस्थामा फेला परेका छन् ।

यस्तै, पर्वतको कुश्मा नगरपालिका १ मालढुङगास्थित कालीगण्डकी नदीमा हाल नाम, थर, वतन नखुलेका अन्दाजी ३५ वर्षीय पुरुष शनिबार मृत अवस्थामा फेला परेका छन् ।