थाइल्याण्डको राजधानी बैंककमा पछिल्लो एक सातामा २ लाख मानिस अस्पतालमा भर्ना भएका छन् । वायु प्रदुषणका कारण उनलाई सास फेर्न गाह्रो भएको थियो । यस पर्यटकीय गन्तव्यमा उद्योगधन्दा, सवारीसाधनबाट निस्कने धुवाँ र खेतबारीमा जलेको खराब बालीले मानिस सास्ती खेपिरहेका छन् ।

पब्लिक हेल्थ मिनिस्ट्रीका अनुसार वायु प्रदुषणका कारण तीन महिनामा १३ लाख मानिस बिरामी परेका छन् । ती मध्ये पछिल्लो एक सातामै २ लाख मानिस अस्पतालमा भर्ना भएका हुन् । यसैबीच स्वास्थ्य मन्त्रालयले मास्क लगाएर हिड्न आग्रह गरेको छ । साथै बालबालिका र महिलालाई घरबाहिर ननिस्कन पनि आग्रह गरिएको छ ।

समाचार एजेन्सी एएफपीका अनुसार सवारी साधनबाट निस्कने धुवाँलाई निगरानी गर्न चेक प्वाइन्ट बनाइएको छ । साथै नर्सरी र विद्यालयमा ‘नो डस्ट रुम’ बनाइएको छ । जहाँ एयर प्युरिफायर जडान गरिएको छ ।

हालसम्म विद्यालय बन्द भएका छैनन् । यो खतरा अझै बढ्ने अधिकारी बताउँछन् । आगामी दिनमा मानिसहरूलाई घरभित्रै राख्न कडा प्रतिबन्ध लगाउनु पर्ने अवस्था अाउने अनुमान गरिएकाे छ ।