काठमाडौँ । एमाले अध्यक्ष तथा पूर्वप्रधानमन्त्री केपी शर्मा ओलीले युएईविरुद्ध जीत हासिल गर्दै विश्वकप लिग २ को शीर्ष चारमा उक्लिएकोमा नेपाली क्रिकेट टिमलाई बधाई दिएका छन् ।

सामाजिक सञ्जाल ट्वीटरमा अध्यक्ष ओलीले विश्वकप खेल्ने नेपालको सपना पूरा गर्ने जिम्मेबारी यही टिमले पूरा गर्ने पनि आफूले विश्वास लिएको उल्लेख गरेका छन् ।

‘यूएईविरुद्ध जीत हासिल गर्दै लिग– २ को शीर्ष ४ मा प्रवेश गरेकोमा नेपाली क्रिकेट टिमलाई हार्दिक बधाई,’ ओलीले ट्वीटरमा लेखेका छन्, ‘विश्वकप खेल्ने नेपालको सपना पूरा गर्ने जिम्मेवारी तपाईंहरुले पूरा गर्नुहुने छ ।’

वाह !!! बधाई #टिम_नेपाल!
यूएईविरुद्ध जीत हासिल गर्दै लिग– २ को शीर्ष ४ मा प्रवेश गरेकोमा नेपाली क्रिकेट टिमलाई हार्दिक बधाई । विश्वकप खेल्ने नेपालको सपना पूरा गर्ने जिम्मेवारी तपाईंहरुले पूरा गर्नुहुने छ ।

— K P Sharma Oli (@kpsharmaoli) March 12, 2023