काठमाडौं । मंगलबार सेयर बजार झिनो अंकले बढेको छ । केहिदिनयता लगातार ओरालो लागिरहेको सेयर बजार आज १.८५ अंकले बढेको हो । १.८५ अंकले बढेसँगै नेप्से परिसुचक १९५३ विन्दुमा कायम भएको छ ।

आज २५५ कम्पनीको ३३ लाख १८ हजार १०८ कित्ता शेयर किनबेच हुँदा एक अर्ब १३ करोड ५९ लाख रुपैयाँमाथिको कारोबार भएको छ ।

त्यस्तै, ७८ वटा कम्पनीको शेयर मूल्य घट्दा १२६ वटा कम्पनीको मूल्य भने बढेको छ । आज बाणिज्य बैंक सहित ५ वटा सूचकमा गिरावट आएको छ भने ८ वटा सूचकमा सुधार देखिएकाे छ ।