काठमाडौं । आज नेपाली बजारमा सुन चाँदीको भाउ स्थिर छ ।नेपाल सुनचाँदी व्यवसायी महासंघका अनुसार मंगलबार एकैदिन १ हजार ६ सय रुपैयाँले वृद्धि भएको सुन आज स्थिर रहेको छ । मंगलबार छापावाला सुन १ लाख ५ हजार ७ सय रुपैयाँमा कारोबार भएको थियो ।

महासंघका अनुसार आज तेजाबी सुन तोला पनि स्थिर रहेको छ । यस्तै, हिजो मंगलबार १ लाख ५ हजार २ सय रुपैयाँमा कारोबार भएको तेजावी सुन आज पनि सोही मूल्यमा कारोबार भइरहेको छ ।