सोमबार, मंसिर १५, २०८२

विश्वकप छनोटमा पुगेकोमा प्रधानमन्त्री दाहालले‍ दिए नेपाली टिमलाई बधाई

मेरोन्यूज २०७९ चैत २ गते १८:४३

काठमाडौं । प्रधानमन्त्री पुष्पकमल दाहालले आईसीसी पुरुष क्रिकेट विश्वकप लिग-२ अन्तर्गत त्रिकोणात्मक सिरिजको अन्तिम खेलमा नेपालले यूएईलाई हराउँदै विश्वकप छनोटमा पुगेकोमा क्रिकेट टिमलाई बधाई दिएका छन् ।

उनले सामाजिक सञ्जालमा लेखेका छन्, आइसिसी क्रिकेट विश्वकप लिग-२ मा युएईलाई हराउँदै नेपाल विश्वकप छनोटमा पुग्न सफल भएकोमा हार्दिक खुसी व्यक्त गर्दछु । लीगका खेलहरुमा उच्च कौशलता प्रदर्शन गर्दै नेपालको स्वाभिमान र गौरव उँचो राख्न सफल भएकोमा उच्च प्रशंसासहित नेपाली क्रिकेट टीम, प्रशिक्षक, क्यानलगायत हामी सबैलाई हार्दिक बधाई!’

नेपाली क्रिकेट टिमले यूएईलाई डीएल (डकवर्थ लेविस) नियमअनुसार ९ रन पराजित गर्दै विश्वकप छनोटमा पुग्न सफल भएको थियो ।

प्रधानमन्त्री दाहाल बिहीबारको खेलको सुरुमा कीर्तिपुरस्थित अन्तर्राष्ट्रिय क्रिकेट स्टेडियम पुगेका थिए ।

प्रतिक्रिया