युरो छनोटमा बेल्जियमले सानदार सुरूआत गरेको छ। शुक्रबार राति फ्रेन्ड्स एरिनामा भएको छनोटअन्तर्गत समूह एफको खेलमा बेल्जियमले स्विडेनमाथि ३-० को जित निकालेको हो।

कतार विश्वकपको समूह चरणबाटै बाहिरिएको बेल्जियमलाई जिताउन लुकाकुले ह्याट्रिक पूरा गरे।

खेलको ३५ औं मिनेटमा गोल गर्दै लुकाकुले बेल्जियमलाई सुरूआती अग्रता दिलाए। खेलको ४९ औं मिनेटमा लुकाकुले दोस्रो गोल गर्दै अग्रता दोब्बर पारे।

त्यसपछि ८२औं मिनेटमा लुकाकुले ह्याट्रिक पूरा गर्दै बेल्जियमलाई सानदार जित दिलाए।

यो जितसँगै समूह ‘एफ’ मा बेल्जियमले ३ अंक जोडेको छ।
-एजेन्सी