काठमाडौं । इन्डियन प्रिमियर लिग (आईपीएल) मा मुम्बइ इन्डियन्सले पहिलो जित निकालेको छ । मंगलबार दिल्ली क्यापिटल्सलाई अन्तिम बलमा पराजित गर्दै मुम्बईले ३ खेलबाट २ अंक जोडेको छ । घरेलु मैदान अरुन

जेट्ली स्टेडियममा ६ विकेटले पराजित भएको दिल्लीले लगातार चौथो हार बेहोर्दै जारी सिजनको जितविहीन यात्रालाई रोक्न सकेन ।

दिल्लीले दिएको १७३ रनको लक्ष्य मुम्बइले अन्तिम बलमा पूरा गरेको हो । अन्तिम ओभरमा जितका लागि पाँच रन मात्र आवश्यक रहेका बेला दिल्लीका एनरिक नोर्कियाले सुरुको पाँच बलमा ३ रनमात्र दिएपछि मुम्बइलाई खेल जित्न अन्तिम बलमा २ रन चाहियो । जसमा टिम डेविडले दुई रन लिंदै मुम्बइलाई जित दिलाए ।

मुम्बईका लागि टिमले १३, कप्तान रोहित शर्माले ६५, तिकल बर्माले ४१ र इशान किसनले ३१ र क्यामरुन ग्रीनले १७ रन बनाए ।

दिल्लीका मुकेश कुमारले २ तथा मुस्तापिजर रहमानले १ विकेट लिए ।

टस हारेर पहिले ब्याटिङ गरेको दिल्लीले २ बल बाँकी छँदा सबै विकेट गुमाएर १७२ रन बनाएको थियो । दिल्लीका लागि अक्षर पटेललले २५ बलमा ४ चौका र ५ छक्का प्रहार गरी ५४ रन र कप्तान डेविड वार्नर ४७ बलमा ५१ रन बनाए । मनिस पाण्डेले २६ रन बनाए ।

मुम्बइका जासोन बेहरनडोर्फ र पियुष चावलाले ३३ तथा राइले मेरेडिथले २ विकेट लिए ।