काठमाडौँ । मलेसिया पठाइदिन्छु भन्दै रकम ठगी गरेको अभियोगमा काठमाडौँ महानगर १० बानेश्वर थापागाउँ बस्ने ५१ वर्षीया विमला थापालाई प्रहरीले पक्राउ गरेको छ ।

वैदेशिक रोजगारीका लागि मलेसिया पठाइदिने भन्दै राम्रो कम्पनीमा काम लगाइदिन्छु भन्दै पीडितलाई प्रलोभनमा पारी रकम लिएर ठगी गरेकाले पक्राउ गरी उपस्थित गराउन वैदेशिक रोजगार विभागबाट पत्राचार भएपछि काठमाडौँ उपत्यका अपराध अनुसन्धान कार्यालयले उनलाई काठमाडौं बानेश्वर थापागाउँबाट पक्राउ गरेको हो ।

उनलाई थप अनुसन्धान तथा कारवाहीका लागि वैदेशिक रोजगार विभाग बुद्धनगर काठमाडौँमा पठाइएको छ ।