काठमाडौं । साताको चौंथो दिन बुधबार सेयर बजार १५ अंकले बढेको छ । आज नेप्से परिसूचक १५ दशमलव १३ अंकले बढेर १,९२० दशमलव १२ को विन्दुमा कायम भएको हो।

बुधबार १६६ कम्पनीको शेयर मुल्य बढेको छ भने ४२ कम्पनकिो शेयर मुल्य घटेको छ । आज दिनभरिमा २७३ कम्पनीको २५ लाख ७९ हजार ३२५ कित्ता शेयर किनबेच हुँदा ८७ करोड २१ लाख ४१ हजार रुपैयाँको शेयर कारोबार भएको छ ।

आज सबैभन्दा धेरै स्वाभिमान लघुवित्तको संस्थापक शेयर कारोबार भएको छ । कम्पनीको ८ करोड ८३ लाख रुपैयाँ संस्थापक शेयरको कारोबार भएको छ । त्यस्तै, नविल बैंकको ३ करोड ६६ लाख रुपैयाँको ेकारोबार भएको छ भने एनआइसी एशिया बैंकको ३ करोड १८ लाख रुपैयाँको शेयर कारोबार भएको छ ।