काठमाडौं । उपप्रधान एवं गृहमन्त्री नारायणकाजी श्रेष्ठले कलाकारहरुलाई कलाकारिताको क्षेत्रमै रहेर जिउनसक्ने वातावरण सरकारले सिर्जना गर्ने प्रतिवद्धता जनाएका छन् । शुक्रवार काठमाडौंमा आयोजित एक कार्यक्रमलाई सम्बोधन गर्र्दै उनले यस्तो बताएका हुन् ।

उनले मान्छेको जीवनको लागि संगीत र कला अनिवार्य अंग भएको पनि बताए । गृहमन्त्री श्रेष्ठले समाजको विकास र सभ्यता कहाँ पुगेको छ, भन्नेकुरा कला, संगीत, संस्कृतिको क्षेत्र कहाँ पुगेको छ भन्ने आधारमा मापन गर्नसकिने बताए । उनले कला, संगीतले समाजको यर्थाथहरुलाई, सकारात्मक सुन्दरताहरुलाई अभिव्यक्त गर्ने राम्रो माध्यमको काम गर्ने उल्लेख गरे । संगीत सबै कोणबाट मानविय जीवन र मानव समाजको लागि अत्यन्तै महत्वपूर्ण पक्ष रहेको उनले बताए ।

मन्त्री श्रेष्ठले आगामी दिनमा सरकारले कलाकारिताको क्षेत्रलाई प्रोत्साहीत गर्नेगरी अघि बढ्ने बताए ।