स्वास्थ उपचारपछि स्वदेश फर्किँदै काँग्रेस नेता एवं सांसद डा।चन्द्र भण्डारी उपचारमा सहयोग गर्ने सबैप्रति आभार व्यक्त

काठमाडौँ । नेपाली कांग्रेसका नेता एवं गुल्मी १ का सांसद डा. चन्द्र भण्डारी भोलि आइतबार स्वदेश फिर्ता हुने भएका छन् ।

आगलागीमा परी घाइते भएका उनलाई गत फागुन ३ गते थप उपचार गर्न भारतको मुम्बईस्थित नेसनल बर्न अस्पतालमा लगिएको थियो ।

अहिले डा. भण्डारीको स्वास्थ्य क्रमिक सुधार भइरहेको छ उनका स्वकीय सचिव वोधराज कँडेलले जानकारी दिए । उनका अनुसार बाँकी उपचार नेपालमै गरिने भएकाले भण्डारी स्वदेश फिर्ता हुन लागेका हुन् ।