काठमाडौं । फुटबलर लियोनल मेस्सी दुई हप्ताका लागि निलम्बित भएका छन् । उनलाई उनको क्लब पेरिस सेन्ट जर्मेन पीएसजीले २ हप्ताका लागि निलम्बन गरेको हो ।

उनले अनुमति नलिई साउदी अरबको भ्रमण गरेको पीएसजीको आरोप छ । सोही कारण उनी कारबाहीमा परेका हुन् ।

मेस्सीले निलम्बनको समयमा क्लबमा प्रशिक्षणसमेत गर्न नपाउने भएका छन् ।

अन्तर्राष्ट्रिय सञ्चार माध्यमका अनुसार मेस्सीले साउदी अरबको भ्रमणमा जान क्लबसंग अनुमति मागेका थिए । तर क्लबले अनुमति नदिएपछि उनी अनाधिकृत रुपमा त्यहा गएका थिए ।