काठमाडौँ । नेपाल वैदेशिक रोजगार संघले वैदेशिक रोजगारमा व्यवसायीको आवरणमा रहेका केही व्यक्तिहरूले मलेसिया, साउदी अरव र युएईमा वैदेशिक रोजगारमा कामदार पठाउने सिलसिलामा पूरा गर्नुपर्ने प्रक्रियाहरू एकाधिकार लागू गराउन लागेको भन्दै विरोध गरेको छ ।

संघका अध्यक्ष राजेन्द्र भण्डारीले विज्ञप्ति जारी गर्दै जुनसुकै प्रकारका नाममा खडा गरिने एकाधिकारको विरोध गरिने उल्लेख गरेका छन् ।

खुल्ला प्रतिष्पर्धाबाट डराई एकाधिकार लागू गर्न खोजेका कम्पनीहरू गैरकानुनी काम गर्न लागेको भन्दै विज्ञप्तिमा भण्डारीले त्यस्ता संस्थाहरूलाई कानुनी कारबाही गर्न माग गरिएको छ ।

विज्ञप्तिमा नेपाल सरकारबाट इजाजत प्राप्त सम्पूर्ण व्यवसायीले व्यवसाय गर्न पाउने वातावरण निर्माण गर्न पनि सरकारसँग माग गरिएको छ ।