काठमाडौं । विपश्यना ध्यानका लागि नेपाल आएका बलिउड अभिनेता आमिर खान स्वदेश फर्किएका छन् । गत आइतबार नेपाल आएका उनी शुक्रबार बिहान करिब ११ बजे भारत प्रस्थान गरेका हुन् ।

उनी बुढानीलकण्ठस्थित नेपाल विपश्यना ध्यान केन्द्रको ध्यान शिविरमा भाग लिन नेपाल आएका थिए । दश दिनको ध्यान बीचमै छाडेर आमिर स्वदेश फर्किएका हुन् ।

उनी ध्यान अवधि पूरा नगरी स्वदेश फर्किएको कारण भने खलेको छैन् । ध्यान बीचमै छाडेर स्वदेश फर्किनु उनकाे पारिवारिक कारण हुनसक्ने बताइएकाे छ। विपश्यना केन्द्रको सबै नियमहरु पालना गरेर आमिर चार दिनसम्म ध्यान शिविरमा बसेका थिए ।

आमिरको पछिल्लो फिल्म ‘लाल सिंह चढ्ढा’ असफल भएपछि उनकाे जीवनमा उतार-चढाव आएकाे छ । त्यस्यता उनले कुनै फिल्ममा काम गरेका छैनन् ।