बलिउड अभिनेत्री परिणीति चोपडा र सांसद राघव चड्डाले मे १३ अर्थात आज दिल्लीमा इन्गेजमेन्ट गर्दैछन् । यद्यपि यो जोडीले आफ्नो सम्बन्धको पुष्टि गरेका छैनन् तर उनीहरुकाे निकट स्राेतले यसबारे जानकारी दिएकाे हाे ।

भारतीय सञ्चारमाध्यमका अनुसार परिणीतिकी आफन्त समेत रहेकी अभिनेत्री प्रियंका चोपडा पनि उनीहरुको इन्गेजमेन्टमा सहभागी हुन दिल्ली आउँदैछिन्। राघव र परिणितीको इन्गेजमेन्ट समराेह आज बेलुकी ८ बजे दिल्लीको कपुरथला हाउसमा हुने बताइएको छ । जानकारीका अनुसार इन्गेजमेन्ट समारोहमा राजनीति र चलचित्र जगतका करिब १५० पाहुनालाई बोलाइएको छ ।

परिणिती र राघवले आफ्ना निकट साथी र आफन्तहरूको लागि एउटा पार्टीको योजना बनाएका छन्। परिणितीका भाइ सहज र शिवाङ चोपडाले समारोहको सबै तयारी गरेका छन् ।