काठमाडौँ । कपिलवस्तु जिल्लाको महाराजगञ्ज नगरपालिका ७ स्थित कोटियाबाट आज सशस्त्र प्रहरीले करिब एक लाख ५३ हजार रुपैयाँको चोरीका विभिन्न सामान बरामद गरेको छ ।

भारतबाट अवैध रुपले नेपालतर्फ ल्याउँदै गरेको उल्लेखित मूल्य बराबरको टायल, मेट्रिस र फेन्सी तथा कस्मेटिक सामान सशस्त्र प्रहरी बल नेपाल नम्बर २८ गण कपिलवस्तुले बरामद गरेको हो ।

यसैगरी, सोही जिल्लाको यशोधरा गाउँपालिका ७ स्थित मर्यादपुरबाट आज सशस्त्र प्रहरीले करिव ४४ हजार रुपैयाँ बराबरको मोटरपार्टस बरामद गरेको छ
।

भारतबाट अवैध रुपले नेपालतर्फ ल्याउँदै गरेको उल्लेखित मूल्य बराबरको मोटर पार्टस सशस्त्र प्रहरी बल नेपाल नम्बर २८ गण कपिलवस्तुले बरामद गरेको हो ।

बरामद सामान आवश्यक कारबाहीको लागि सम्बन्धित भन्सार कार्यालयमा बुझाइएको छ ।