कैलाली । जिल्लाको टीकापुर घटनामा संलग्न रहेको भन्दै जिल्ला अदालत कैलाली र उच्च अदालत दिपायलबाट जन्मकैदको सजाय सुनाएका रेशमलाल चौधरीको जन्मकैद सजाय सर्वोच्च अदालतबाट सदर गरेको छ । सर्वोच्चको यो आदेशसँगै चौधरीले जन्मकैद पाएका छन् ।

सर्वोच्चका न्यायाधीशद्वय आनन्दमोहन भट्टराई र नहकुल सुवेदीको संयुक्त इजलासले चौधरीको हकमा जिल्ला र उच्च अदालतले तोकेको जन्मकैदको सजाय नै सदर गरेको हो ।

सोही मुद्दाका आरोपी सीताराम चौधरी र गंगाराम चौधरीले सफाइ पाइसकेका छन् । उनीहरू जिल्ला र उच्च अदालतको आदेशअनुसार जन्मकैद भुक्तानका लागि जेलमै थिए । उनीहरूलाई आजै थुनामुक्त गर्न सर्वोच्चको आदेश छ ।