काठमाडौं । सिद्धरामैया कर्नाटकको मुख्यमन्त्री बन्ने भएका छन् । यसअघि मुख्यमन्त्री बन्ने चर्चामा रहेका डीके शिवकुमार भने उपमुख्यमन्त्री बन्ने तय भएको छ ।

यसअघि पनि कर्नाटकको जिम्मेवारी सम्हालिसकेका सिद्धरामैयालाई मुख्यमन्त्री बनाउन लागिएको हो । मुख्यमन्त्रीको शपथ ग्रहण यही मे २० मा बैंगलोरमा हुनेछ ।

सिद्धरामैयाका समर्थकहरूले खुसीयाली मनाउन थालेका छन् । बैंगलोरस्थित उनको घरबाहिर पोस्टर टाँसिएको छ । यससँगै सिद्धरामैया र डीके शिवकुमारको घरबाहिर सुरक्षा व्यवस्था कडा पारिएको छ ।

कर्नाटकमा विधानसभाको चुनावी परिणाम शनिबार सार्वजनिक भएसँगै कांग्रेसमा भावी मुख्यमन्त्रीका लविइङ सुरु भएको थियो ।

कांग्रेस नेतृत्वले सिद्धारमैयालाई मुख्यमन्त्री बनाउन चाहे पनि शिवकुमारले पनि आफ्नो दाबी प्रस्तुत गरेका थिए ।