काठमाडौँ । इण्डियन प्रिमियर लिग (आईपीएल)मा खेलमा रोयल च्यालेन्जर्स बैंगलोरले सनराइजर्स हैदरावादलाई ८ विकेटले पराजित गरेको छ ।

पहिले ब्याटिङ गरेको हैदरावादले पाँच विकेट गुमाएर १८६ रन बनाएको थियो । जवाफमा बैंग्लोरले ४ बल अगावै दुई विकेट गुमाएर १८७ रन बनायो ।

बैंग्लोरका लागि विराट कोहलीले शतक प्रहार गरे । कोहलीले ६२ बलमा आफ्नो शतक पूरा गरे । फाफ डुप्लेसिसले ७१ रन बनाए ।

हैदरावादका लागि भुवनेश्वर कुमार र टी नटराजनले एक एक विकेट लिए ।

पहिला ब्याटिङ गरेको हैदरावादका लागि हेनरिक क्लासेनको ५१ बलमा १०४ रन बनाए । उनले आठ चौका र छ छक्का प्रहार गरे । बैंगलोरका लागि माइकल ब्रेसवेलले दुई विकेट लिए ।

बैंगलोरका लागि माइकल ब्रेसवेलले दुई विकेट लिए ।

जितसँगै बैंग्लोरले प्लेअफमा पुग्ने सम्भावना कायम राखेको छ । बैंग्लोर १३ खेलबाट १४ अंक जोडेर चौथो स्थानमा उक्लेको छ र शीर्ष चारको होडमा कायम छ ।