काठमाडौं । स्वास्थ्य तथा जनसङ्ख्या मन्त्री मोहनबहादुर बस्नेत विश्व स्वास्थ्य सङ्गठन (डब्लुएचओ)को ७६ औँ महासभामा सहभागी हुन स्विट्जरल्याण्डको जेनेभा प्रस्थान गरेका छन् । मन्त्री बस्नेतसंगै मन्त्रालयका अतिरिक्त सचिव डा विकास देवकोटासहित ६ जना सदस्य समेत जेनेभा गएका छन् ।

यही जेठ ७ गतेदेखि १६ गते (मे २१ देखि ३० गते)सम्म हुने सभामा डब्लुएचओको नीति निर्धारण गर्ने, वित्तिय नीतिको सुपरिवेक्षण गर्ने, र प्रस्तावित कार्यक्रम बजेटको पुनरावलोकन र अनुमोदन गर्ने जनाइएको छ ।