काठमाडौँ । इमेज सहकारी संस्थाका अध्यक्षसमेत रहेका बागलुङको ढोरपाटन नगरपालिकाका मेयर देवकुमार नेपाली फरार भएका छन् । बचतकर्ताको पैसा फिर्ता गर्न नसकेपछि उनी फरार भएका हुन् ।

मेयर नेपाली तीन दिनदेखि सम्पर्कविहीन भएको प्रहरी कार्यालयले जनाएको छ । प्रहरीका अनुसार शुक्रबारदेखि सम्पर्कविहीन भएका उनको खोजी कार्य भइरहेको छ ।

मेयर नेपालीले उपमेयर धनबहादुर कायतलाई कार्यवाहक मेयरको जिम्मेवारी दिएका छन् । आफू नआउँदासम्म कार्यवाहक समाल्नु भनेर जिम्मेवारी दिएर उनी सम्पर्कविहीन भएका हुन् ।

वैशाख ३१ को स्थानीय निर्वाचनमा नेपाली नेकपा एमालेबाट मेयरमा निर्वाचित भएका थिए । यसअघि उनले विज्ञप्तिमार्फत बचत कर्तालाई निक्षेप रकम फिर्ता गर्न नसकिएको बताउँदै आएका थिए ।