काठमाडाैं । रणवीर कपूर बलिउडमा चकलेटी नायकका रुपमा परिचित छन्। उनी आफ्नो फिल्ममा रोमान्टिक क्यारेक्टर निभाउन पनि राम्ररी जान्दछन्।

रणवीरले फिल्म ‘ए दिल है मुश्किल’मा अभिनेत्री ऐश्वर्या राईसँग रोमान्टिक भूमिका निभाएका थिए । यो फिल्म सुपरहिट भएको थियो। रिलिज भएको कयौं वर्षपछि रणवीरले फिल्ममा ऐश्वर्यासँगकाे अनुभवबारे खुलाएका थिए ।

आफुलाई ऐश्वर्यासँग रोमान्टिक सिन गर्न लाज लाग्ने बताएपछि ऐश्वर्याले उक्त दृश्यको छायांकनमा सहयोग गरेको रणवीरले बताए ।

उनले भने, ‘मलाई लाज लाग्थ्यो, मेरो हात काँप्ने गर्थे । कहिले काहिँ म उसको गाला छुन हिचकिचाउँथे ।’ रणवीरले भने, ‘त्यसपछि ऐश्वर्या सम्झाइन् र मैले पनि त्यसलाइ अवसरका रूपमा लिएँ ।’

यो बयानपछि उनी निकै ट्रोल पनि भएका थिए । आलाेचना बढ्दै गएपछि रणवीरले एक विज्ञप्ति निकाल्दै ऐश्वर्यासँगको रोमान्सबारे आफूले भनेको कुरालाई दर्शकले गलत ढंगले लिएको बताएका थिए । उनले ऐश्वर्या अद्भूत अभिनेत्री र पारिवारिक साथी पनि भएकोले कहिल्यै नराम्राे नजरले नहेरेकाे बताएका थिए ।