काठमाडौँ । नक्कली शरणार्थी प्रकरणमा आज प्रहरीले सरकारी वकिलको कार्यालयलाई अनुसन्धान प्रतिवेदन पेश गरेको छ । प्रतिवेदनमा ३० जनालाई प्रतिवादी बनाउन सुझाइएको छ । तर, १४ जना फरार छन् ।

पक्राउ परेका १६ जना र फरारसहित १४ जनासहित ३० जनामाथि संगठित अपराध ठगी र राज्यविरुद्धको अपराधमा मुद्दा दायर गर्न प्रहरीले सिफारिस गरेको हो ।

फरार १४ जनामा प्रतीक थापा र निरज राई हाइप्रोफाइल हुन् । प्रतीक पूर्वगृहमन्त्री रामबहादुर थापाका छोरा हुन् भने निरज इन्द्रजित राइका छोरा हुन् । इन्द्रजित थापा गृहमन्त्री हुँदा सुरक्षा सल्लाहकार थिए । उनी एमाले नेतासमेत हुन् ।

फरार हुने अन्य अभियुक्तमा केशव तुलाधार, अशोक पोखरेल, लक्ष्मी महर्जन, धीरेन राई, मोहन राई, दीपा हुमागाईं, सुनिल बुढाथोकी, विनिता लिम्बू, निरञ्जन खरेल, राजेश अर्याल, हरिभक्त महर्जन, आशिष बुढाथोकी रहेका छन् ।