काठमाडाैं । भारतीय चर्चित सिरियल ‘साराभाई भर्सेस साराभाई’की अभिनेत्री वैभवी उपाध्यायको निधन भएको छ । अभिनेत्रीको सोमबार हिमाचल प्रदेशमा कार दुर्घटनामा निधन भएको हो ।

वैभवी आफ्ना प्रेमीसँग कारमा यात्रा गरिरहेकी थिइन् । सोही क्रममा बञ्जर नजिकै सिधवामा उनको गाडी अनियन्त्रित भई सडकबाट करिब ५० फिट तल खसेको भारतीय मिडियाले जनाएको छ ।

अभिनेत्रीका प्रेमीलाई भने सामान्य चोट लागेको र अस्पतालमा उपचार भइरहेको बताइएकाे छ ।

अभिनेत्रीको निधनको खबरले टिभी उद्योगमा शोकमा डुबेकाे छ।