काठमाडौं । लखनउ सुपर जायनट्सलाई ८१ रनले पराजित गर्दै मुम्बई इन्डियन्सले इन्डियन प्रिमियर लिग (आईपीएल) २०२३ को क्वालिफायर टु मा स्थान बनाएको छ ।

बुधबार चेन्नाइमा भएको खेलमा आकाश माडवालले सानदार बलिङ गर्दै पाँच विकेट लिएपछि मुम्बइले क्वालिफायर टुको यात्रा सहय तय ग¥यो ।

पहिला ब्याटिङ गरेको मुम्बईले निर्धारित २० ओभरमा ८ विकेट गुमाएर १८२ रन बनाएको थियो । १८३ रनको लक्ष्य पछ्याएको लखनउ १६.३ ओभरमै १०१ रनमा अलआउट भयो ।

आकाश माडवालले ३.३ ओभरमा पाँच रन मात्र खर्चेर पाँच विकेट लिए । क्रिस जोर्डन र पियुष चावलाले एक, एक विकेट लिए । लखनउका लागि मार्कुस स्टोइनिसले ४०, कायल मेयर्सले १८, दिपक हुडाले १५ रन बनाए ।

त्यसअघि टस जितेर पहिले ब्याटिङ गरेको मुम्बइका लागि क्यामरुन ग्रीनले ४१, सूर्यकुमार यादवले ३३, तिलक बर्माले २६ र नेहाल वाडेराले २३ रन बनाए ।

लखनउका लागि नवीन उल हकले ४ र यश ठाकुरले तीन विकेट लिए ।

मुम्बइले अब फाइनल प्रवेशका लागि पहिलो क्वालिफायरमा पराजित गुजरात टाइटन्ससँग खेल्नेछ । लिगमा पहिलो स्थानमा रहेको साविक विजेता गुजरात पहिलो क्वालिफायरमा चेन्नाइ सुपर किंग्ससँग पराजित भएको थियो ।

लिगमा शीर्ष दुईमा रहेकोले गुजरातले फाइनल पुग्नका लागि अर्को अवसर पनि पाएको छ ।

गुजरातले दोस्रो क्वालिफायरमा मुम्बइसँग आउने शुक्रबार घरेलु मैदान नरेन्द्र मोदी स्टेडियममा खेल्नेछ ।

यस खेलको विजेताले आगामी आइतबार सोही स्टेडियममा उपाधिका लागि चेन्नाइसँग प्रतिस्पर्धा गर्नेछ ।