काठमाडौँ । अर्थमन्त्री प्रकाशशरण महतले निजी क्षेत्रको आत्मविश्वास बढाउने गरी मुलुकमा आर्थिक नीति बनाउने बताएका छन् ।

चालु आर्थिक वर्षको आर्थिक सर्वेक्षण सार्वजनिक गर्ने क्रममा आइतबार प्रतिनिधिसभा संसदमा अर्थमन्त्री महतले निजी क्षेत्रको बारेमा बोलेका हुन् ।

‘आम उपभोक्ता तथा निजी क्षेत्रको आत्म विश्वासलाई अभिवृद्धि गरी आर्थिक नीतिको तर्जुमा गरी कार्यान्वयन गर्नुपर्ने देखिन्छ,’ अर्थमन्त्री महतले भने ।

यस्तै, उनले मुलुकको दिगो, फराकिलो तथा उच्च आर्थिक वृद्धि हासिल गर्न, समिष्टगत आर्थिक स्थिायित्व कायम गर्न र उत्पादनशील रोजगारी सेजना गर्न सम्बद्ध सबै निकायको जिम्मेवारपूर्ण भूमिका हुनु पर्ने बताए ।