काठमाडौं । प्रतिनिधि सभाको संघीय संसद भवन, नयाँ वानेश्वरमा बस्ने बैठकमा आज पनि आर्थिक वर्षको बजेटमाथिको छलफल जारी रहने भएको छ ।

बिहान ११ः०० बजे बस्ने बैठकमा आर्थिक बर्ष २०८०।८१ को राजस्व र व्ययको वार्षिक अनुमान (बजेट)माथिको छलफल जारी रहनेछ।

गत जेठ १५ गते अर्थमन्त्री डा.प्रकाशशरण महतले पेस गरेको बजेटमाथि सोमबारदेखि छलफल निरन्तर चलिरहेको छ ।

बजेटमाथि १ सय भन्दा बढी प्रतिनिधि सभा सदस्यले धारणा राखिसकेका छन् ।