काठमाडौँ । नेपाल एयरलाइन्सले मंगलबार बिहान मलेसियाको क्वालालम्पुरबाट सिधै भैरहवा अन्तर्राष्ट्रिय विमानस्थलमा अवतरण गर्ने भएको छ ।

सस्कृति पर्यटन तथा नागरिक उड्डयनमन्त्री गोपाल किरातीले मंगलबार बिहान ७ बजेर ४० मिनेटमा क्वालालम्पुरबाट उडेको नेपाल एयरलाइन्सको विमान भैरहवा अन्तराष्ट्रिय विमानस्थलमा अवतरण गर्ने जानकारी दिए । विमानमा आएका यात्रुलाई स्वागत गर्न मन्त्री किराती आफै भैरहवा विमानस्थलमा पुग्नेछन् ।

‘चन्द्र सुर्य ध्वजा आकासमा फहराउँदै हाम्रो जहाज क्वालालम्पुर बाट उडेर भैरहवा विमान स्थलमा भोलि बस्दैछ आउनु हुने यात्रुहरु सबैलाई स्वागत गर्न म आफै जाँदैछु,’ मन्त्री किरातीले सामाजिक सञ्जाल फेसबुकमा लेखेका छन् ।