काठमाडौं । त्रिभुवन अन्तराष्ट्रिय विमानस्थलमा नयाँ नियम लागू हुने भएको छ । उक्त नियम अनुसार अब विदेश जाँदा विदाई गर्न र स्वागत गर्नका लागि ३ जना मात्रै आफन्त जान पाउनेछन् ।

विमानस्थलको आन्तरिक र अन्तर्राष्ट्रिय अध्यागमन भवनमा अत्याधिक भिड बढेकोले विमानस्थलले यस्तो नियम ल्याएको विमानस्थल सुरक्षा समितिले जनाएको छ ।

अधिक भिडभाडका कारण यात्रुलाई सास्ती हुने र ट्राफिक व्यवस्थापनमा समेत समस्या भएको, दुर्घटनाको जोखिम समेत बढेको भन्दै ३ जना मात्र आफन्त जान पाउने व्यवस्था गरेको हो ।