काठमाडौं । ललिता निवास जग्गा हिनामिना प्रकरणमा पक्राउ परेका चारजनालाई थप अनुसन्धान गर्न ७ दिनको म्याद थप भएको छ। काठमाडौं जिल्ला अदालतले उनीहरूलाई हिरासतमा राखेर अनुसन्धान गर्न ७ दिनको म्याद दिएको हो।

नेपाल प्रहरीको केन्द्रीय अनुसन्धान ब्यूरो (सीआईबी)ले भाटभटेनी सुपर मार्केटका सञ्चालक मीनबहादुर गुरूङ, तत्कालीन भक्तपुर मालपोल कार्यालयका कर्मचारी सुधीर शाह,मालपोल कार्यालयका कर्मचारी धर्मप्रसाद गौतम र मालपोतकै अर्का कर्मचारी गोपाल कार्कीलाई ललिता निवास जग्गा प्रकरणमा मंगलबार पक्राउ गरेको थियो।

सो प्रकरणमा सीआईबीले ७ जनालाई पक्राउ गरेको थियो। ७ जना पक्राउ परेपनि ३ जनाको नाममा पहिल्यै निषेधाज्ञाको आदेश जारी भइसकेको पाइएपछि उनीहरुलाइ छाडिएको थियो ।