काठमाडौँ । ललिता निवास प्रकरणमा पक्राउ परेकामध्ये तीन जनाले दायर गरेको मुद्दामा सर्वोच्च अदालतले कारण देखाउ आदेश जारी गरेको छ ।

शुक्रबार न्यायाधिश डा. कुमार चुडालको एकल इजलासले उक्त प्रकरणमा पक्राउ परेका मिनबहादुर गुरूङ, सुधिर शाह र धर्मप्रसाद गौतमको पक्षमा कारण देखाउ आदेश जारी गरेको हो ।

उनीहरूले आफूहरूलाई हदम्याद कटिसकेको मुद्दामा पक्राउ गर्नु अवैध भएको भन्दै हिरासतबाट मुक्त गर्न मागसहित सर्वोच्चमा रिट निवेदन दर्ता गरेका थिए । सोही निवेदनका आधारमा गृह मन्त्रालयलाई कारण देखाउ आदेश जारी गरेको हो ।