काठमाडौं । नेकपा (एमाले)का उपाध्यक्ष एवं निर्वाचन परिचालन कमिटीका संयोजक रामबहादुर थापाले सरकार निर्वाचन सार्ने षडयन्त्रमा रहेको आरोप लगाएका छन् ।

एमाले प्रचार तथा प्रकाशन विभागले पार्टी केन्द्रीय कार्यलयमा च्यासलमा आयोजना गरेको पत्रकार भेटघाटमा थापाले यस्तो आरोप लगाएका हुन् । ‘निर्वाचन सार्ने छनक प्रधानमन्त्रीले गरिरहनु भएको छ’ थापाले भने ‘केही दिन अघि प्रधानमन्त्रीले हिमाली क्षेत्रको निर्वाचन सर्न सक्ने भनेर दिएको अभिव्यक्ति त्यसको एउटा उदाहरण हो।’

उनले निर्वाचनमा अनेक षड्यन्त्र गर्ने, दलहरुलाई विवादमा तान्ने, न्यायालयमा आफ्नो छाँया पार्ने काममा सरकार तल्लिन रहेको बताए।