काठमाडौँ । झापाको हल्दिबारी गाउँपालिकामा ५५ जना क्यान्सरका बिरामी फेला परेका छन् ।

हल्दिबारीमा क्यान्सरका ५५ जना, किड्नी प्रत्यारोपण गरेका चार जना, डायलाइसिस गरिरहने १४ जना र मेरूदण्ड पक्षघातका बिरामी पाँच जना रहेका पालिकाको स्वास्थ्य शाखा प्रमुख पुष्कर निरौलाले जानकारी दिए । 

सरकारले क्यान्सर, डाइलोसिस, किड्नी प्रत्यारोपण र मेरूदण्डका पक्षघात भएका बिरामीलाई मासिक औषधि उपचार खर्च पाँच हजार रुपैयाँ दिने निर्णयअनुसार हालसम्म हल्दिबारीमा दर्ता भएका बिरामीहरुको संख्या ७८ जना पुगेको छ । 

स्वास्थ्य शाखाले दिएको तथ्यांकअनुसार वडा नं. १ मा १९ जना क्यान्सर, चार जना डायलाइसिस, दुई जना किड्नी प्रत्यारोपण र एक जना मेरुदण्ड पक्षघातका बिरामी छन् ।

वडा नं. २ मा १७ जना क्यान्सर, चार जना डायलाइसिस र एक जना मेरूदण्ड पक्षघातका बिरामी छन् । वडा नं. ३ मा पाँच जना क्यान्सर, तीन जना डायलाइसिस, एक जना किड्नी प्रत्यारोपण र एक जना मेरूदण्ड पक्षघातका बिरामी छन् ।

वडा नं. ४ मा चार जना क्यान्सर, दुई जना डायलाइसिस, एक जना किड्नी प्रत्यारोपण र एक जना मेरूदण्ड पक्षघातका बिरामी छन् । वडा नं. ५ मा १० जना क्यान्सर, एक जना डायलाइसिस, एक जना किड्नी प्रत्यारोपण र एक जना मेरूदण्ड पक्षघातका बिरामी छन् ।